O‘ZBEKISTONDA SUG‘URTA KOMPANIYALARINING MOLIYAVIY BARQARORLIGINI TA’MINLASh YO‘NALISHLARI

Abstract

Jahon amaliyotida iqtisodiy xavf-xatarlarning globallashuvi va turli inqirozlarning vujudga kelishi natijasida milliy iqtisodiyotning makroiqtisodiy va moliyaviy barqarorligiga ta’siri davlatlarning mavjud moliya tizimi mexanizmini jumladan, sug‘urta tizimi va sug‘urta kompaniyalari faoliyatini takomillashtirishni taqozo etmoqda. Shu bois  dunyo mamlakatlarida va xalqaro munosabatlarda sug‘urta xizmatlarisiz biror faoliyat amalga oshirilmaydi. Rivojlangan mamlakatlarda sug‘urta xizmatlaridan to‘plangan mablag‘lar mamlakat yalpi ichki mahsulotining 8-12 foizni tashkil etmoqda. Xalqaro munosabatlarda sug‘urta kompaniyalarining moliyaviy barqarorlik darajasini namoyon etuvchi ko‘rsatkichlardan biri bu yig‘ilgan sug‘urta mukofotlari bo‘lib, ular yirik hajmdagi investitsiya mablag‘larining to‘planishiga imkoniyat yaratib berishi bilan baholanmoqda. Bu o‘z navbatida sug‘urta kompaniyalarining investitsiya qilishga bo‘lgan imkoniyatini kengaytiradi va sug‘urtalovchining moliyaviy barqarorlik darajasini mustahkamlaydi.