RAUF PARFI LIRIKASIDA TOGʻ OBRAZINING BADIIY AHAMIYATI

Abstract

Rauf Parfi-istiqlol davri oʻzbek adabiyoti chamanzoriga oʻzining xushovoz sasi va nomi bilan kirib kelgan iste`dodli ijodkor. Shoirning badiiy merosi hali-hanuz kitobxonlarning diqqat markazida boʻlib kelmoqda. Rauf Parfi haqida uning zamondoshi va shogirdi Vafo Fayzulloh shunday yozadi: “Ajab emas bizga, oʻzbekka, turkiylarga, insoniyatga tilimiz balogʻati bilan ulugʻ shoirni ehson qilgan ildizlarni qaytadan kashf qilib sururlanish qatorida, Rauf Parfini bergan xalqning ruhiyatini, eng muqaddas qadriyatlarini e`zozlasak. Qolaversa, shoirning oʻrganish va izlanishlari misolida oʻzbek adabiyoti, she`riyati taraqqiyoti, keyingi ikki asr ijtimoiy voqealari bois oʻz oʻzanlarimizdan chekinishlar, koʻproq rus tili orqali dunyo adabiyoti bilan tanishish va ta`sirlanishlarni ham mushohada qilish mumkin boʻlar” [1]. Turkiygoʻy ijodkorning lirikasi ayni shu aytilgan fikrlar hamohangdir.

[1] Vafo Fayzulloh. Rauf Parfining  “Turkiston  ruhi”  toʻplamiga yozgan maqolasi  soʻz boshidan.-T.: “Sharq” nashriyot-matbaa aksiyadorlik kompaniyasi bosh tahririyati, 2013.-B 7.